Оңтүстік Кореяда қазақ қызының мәйіті табылды

04 маусым 2025

505

Мақаланы бөлісу
Оңтүстік Кореяда қазақ қызының мәйіті табылды

Қазақ қызы Оңтүстік Кореяда өлі табылды. 43 жастағы келіншек осыдан 8 жыл бұрын елден кетіп, кәріс жігітіне тұрмысқа шыққан. Алайда депрессияға түскен қазақ қызы саябақта өзіне қол жұмсапты. Бұл туралы Korea_komek инстаграм аккаунты жариялады.
1982 жылғы қазақстандық азамат саябақтардың бірінде өз-өзіне қол салып, өмірден өтті. Ол бұл елге 2017 жылы келіп, кәріс азаматына некеге тұрған. Екеуі заңды некеде. Орталарында бала жоқ. F-6 визасы болған (неке визасы). Полицияның мәліметінше, отандасымыз үйіне жақын орналасқан 25 мамыр күні сағат 3-тер шамасында өз-өзіне қол салған. Марқұмның денесін сол жерде жүрген кәріс азаматы таңғы 5-тер шамасында көріп қалып, құзырлы органдарға хабарлаған. Келіншектің денесінде ешқандай зорлық-зомбылық белгілері болмаған. Марқұм әйел ислам дінін ұстанған. Соған қарамастан күйеуі біле тұра, кремация жасаған. Яғни мәйітін өртеп жіберген. Полиция бұл іс бойынша толық тергеу жұмыстарын аяқтады. Марқұмның денесін елге жеткізу бойынша елшілік құжаттарды дайындаған, — дейді видео авторы.
Күйеуі әйеліне ешқандай қысым жасамағаны анықталды. Әйел өзі суицид жасаған.
Барлық жаңалықтар