«Тоқтатыңыз, Тоқаев мырза!» деді Дина Елгезек
Қай тілде сөйлесең, сол тілге қызмет етесің деген сөз бар. Орыс тілін қолдау қорын құрып, оған халықаралық мәртебе беріп, қазақтың бюджетінен 131 млн теңге бөлдіруіңіз қай сасқаныңыз, Тоқаев мырза?!
Орыс тілі БҰҰ-ның 6 тіліне кіреді!
Орыс тілін қорғайтып алып империясы бар.
Орыс тілі бүгін-ертең өлетін тіл емес.
Әлемде 278 млн адам орыс тілінде сөйлейді.
Өз ана тілдерін қадыр тұтатын 140 млн орысы тағы бар.
Әлемдегі қолданыс аясы бойынша орыс тілі 8 орында!
Және қазақ елінде де орыс тілі төрде шалқып отыр.
Соңғы кезде Ресей мемлекетінің ірі шенеуніктері қазақпен бірге ортақ тарих жазамыз дегенді шығарды.
3 ғасыр бізді отарлаған елмен бірігіп қандай тарих жазбақсыз? Экономикада бүкіл позицияны беріп қойғанымыз аздай, бөтен мемлекеттің өкілдері ішкі саясатымызға араласып, тәуелсіздігімізге қол сұға бастады. Мұндай масқараларды неге “допускаете”?
Президент ретінде, Тәуелсіздігіміздің гаранты ретінде мемлекетіміз үшін қауіпті һәм күмәнді істерге жол беруге қақыңыз жоқ екенін ескерткім келеді.
Өтірік жеңіле беру — ұлттық апат әкеледі Отанымызға!
“Елді аман алып қалу ойыны” деген желеумен тым тереңдеп кеткеніңіз соншалық, Қазақстанды көрші елдің қойнынан шығаратын түріңіз бар. Тоқтатыңыз!
Дина ЕЛГЕЗЕК, журналист.
Facebook жазбасы.
Фото көрнекілік үшін интернеттен алынды.
