Төтенше жағдай енді Қостанайда

Бұл туралы қала әкімі Марат Жүндібаев хабарлады. Қаратомар су қоймасынан көп көлемде су ағызылуына байланысты, жағдай ушыққан, деп жазады Democrat.kz ақпараттық порталы Dalanews.kz-ке сілтеме жасап.

Тұрғындарды шұғыл қауіпсіз жерлерге көшіру қолға алынды. Дорожник, Садовод, Мичуринец бау-бақша қоныстарына және Колесные ряды ауданына су жайлауы мүмкін.

«Қостанай бойынша шамамен 20 шақты эвакуациялық орталық ашық. Кеше 218 адам саяжайлардан эвакуацияланды. Судың шекті мөлшері түнге қарай көтерілуі мүмкін. Сол үшін күндіз барлық қауіпсіздік шараларын қабылдау керек.

Тәуелсіздік алған жылдардан бері су қоймасы бірінші рет осылай 100 пайызға толып отыр. Су екі күнде миллиард текшеметрге толды. Бұндайды ешкім күткен жоқ», -деді әкім.

Фото ашық дереккөзден алынды.