Бақытбек Есентаевтың "жас қалыңдығы" делінген қыз үндеу жасады

26 наурыз 2026

1035

Мақаланы бөлісу
Бақытбек Есентаевтың "жас қалыңдығы" делінген қыз үндеу жасады

Фото әлеуметтік желіден.

Ақтоты Оспанова өзін Бақытбек Есентаевтың қалыңдығы деп тараған ақпараттың шындыққа жанаспайтынын айтып, желідегі суреттердің мән-жайын түсіндірді. Сондай-ақ ол бұл суретті таратқан парақшаға қатысты тексеру басталғанын айтты, деп хабарлайды Democrat.kz. сайты turkystan.kz.-ке сілтеме жасап. 

 «Бұл тарап жатқан сурет бірнеше жыл бұрын құрбымның құдалығында түсірілген. Бақытбек аға өте жақсы адам және құрметтеймін!

Мен – ұл тәрбиелеп отырған анамын. Ең бірінші ойлағаным, осы ұлым мен 4 ағам, туысым мен құдаларым бар. Ешқашан хайп пен хейтті жақындатпағанмын. Оқырмандар емес-арым мен ұятым биік.

Ол кісі де басы бос ер азамат. Зияны тиіп кетуі мүмкін мұндай нәрселердің...

Әр адамның жеке өмірі үшін бұл алып-қашпа әңгімелер дұрыс емес. Сондықтан кейбір жандардың дұрыс емес, шындыққа жанаспайтын әңгімелеріне сенбеулеріңізді сұраймын!

Парақшаға қатысты қажетті жұмыстар жүргізіліп жатыр. Достарым тауып беретіні сөзсіз. Әзірше тек осылай айтқым келді», - деді А. Оспанова.

Сонымен қатар ол өзінің абыройын бәрінен жоғары қоятынын айтып, жалған мәліметтерге сенбеуге үндеді.

Барлық жаңалықтар