Әзербайжанда зинақорлық, ойнастық жасағандарды енді заңды жауапқа тартып, жәбірленуші тарап моральды өтемақы ала алады деп хабарлайды Democrat.kz.
Енді Әзербайжанда сот арқылы жеке және отбасылық қатынастардан туындайтын құқықтарды қорғауға болады. Өтемақы мөлшері келтірілген залал дәрежесін және болған оқиғаның әсерін ескере отырып айқындалады. Бұл мәселе заңды және әлеуметтік тұрғыдан маңызды.
Адвокат Тұран Абдуллазаде Demokrat.az сайтына берген сұхбатында Әзірбайжанда отбасылық сатқындық үшін өтемақы алу мүмкіндігі барын айтады.
"Жаңа шешім 2026 жылдан бастап күшіне енді және өткен жағдайларға қолданылмайды. Бұл тек осы заң қабылданғаннан кейін пайда болған қатынастарға қатысты. Мұндай жағдайларда зардап шеккен тарап жеке құқықтарын бұзғаны үшін алдап жүрген жұбайына қарсы сотқа жүгіне алады.
Ең бастысы — сатқындық фактісін дәлелдеу керек. Дәлел ретінде бейнежазбалар, фотосуреттер, хат-хабарлар, сондай-ақ нақты некеден бала болған жағдайда құжаттар қолданылуы мүмкін. Зардап шеккен тарап жеке құқықтарын бұзу және қадір-қасиетін қорлау туралы талап қоюға құқылы", дейді адвокат.
Адвокат моральдық өтемақы туралы істі қарау кезінде адам оның мөлшерін дербес бағалай алады, бірақ сома шамадан тыс көп болмауы керек деп қосты:
"Өтемақы мөлшері 10-нан 20 мың манатқа дейін болуы мүмкін. Соманы анықтау кезінде жас, жыныс, сезімталдық және моральдық күйзеліс дәрежесі ескеріледі. Сотқа жүгіну уақыты да маңызды: егер сіз оқиғадан кейін бірден жүгінсеңіз, сот оны айтарлықтай әсер ретінде қабылдайды; егер бірнеше жыл өтсе, моральдық залал дәрежесі мен соттың сенімі аз болуы мүмкін. Заң міндетті түрде ажырасуды талап етпесе де, егер ерлі — зайыптылар ажыраспаса, бұл опасыздық фактісін ішкі мойындау болып саналады", - деп атап өтті адвокат.
