Мұғалім зейнетке қай жастан шыққаны жөн?

13 тамыз 2024

4661

Мұғалім зейнетке қай жастан шыққаны жөн?

Мұғалімнің 25 жылдан соң зейнетке шығуының негізі мынада:

Қай ғасырда болса да, адам психологиясын басқару ең қиын, мұғалім соның бірі. Психологиялық стресске көп түседі.
Біздің елде сыныптағы оқушы саны 30- дан кем емес, 18 сағатқа төленетін қаражат ең жоғарғы категорияның өзіне төмен болғандықтан, жақсы қаражат алу үшін аптасына 25 -тен 36 сағатқа дейін жұмыс істейді. Əр сыныптағы оқушы саны мен мұғалімнің жұмысын есептесек, мұндай мұғалім күніне 2-ақ сағат демалады. Сонымен қатар, сынып жетекші міндеті еріксіз жүктеледі. 25 жылда мұғалім əбден қажып кетеді.
Жоғырдағы ауыр жұмыстар мұғалімнің денсаулығына əсер етпей қоймайды. Бірінші, көзінің көруі төмендейді; екінші, есте сақтауы əлсірейді; үшінші жүзін əжім басады, аяғы сырқырайды, құлағы ауыр еститін болады.
Осының кесірінен сабаққа аз əзірленіп, оқушы жұмыстарын тексеруге күш-қауқары жете бермейді.
Аз сағатпен жұмыс істейін десе, əлеуметтік жағдайы төмен, тəуір ақша алуы үшін сағатты көп алады.
Жасы келген ұстаздың тəжірибесі көп болғанымен, ізденуі жаңалықты игеруі (игеретін уақыты да жоқ) қиындаған соң, əр 45 минуттың сапасы кеміп, оқушыға қосымша дайындалкы қажет болады. Бұл оқушының білім алуына зиянын тигізеді. Аптасына 150 баладан 340 оқушыға дейін білімді игеруі төмендейді. Мемлекет мұғалімге төлеген ақшасының зиянын көре бастайды.
Мелекет ондай зияннан гөрі мұғалімді 25 жылмен зейнетке шығарып, жастарға барлық жеңілдіктермен жағдай жасағанда ұтады.
Əр 45 минут құнды. 45 минуттағы оқушы еңбегі - білімнің негізі. Оқушы еңбегін бағалағанда құлағы ауыр еститін мұғалім дұрыс естімеген соң, баға əділетсіз қойылады. Еңбегі дұрыс бағаланбаған оқушы жасқаншақ, енжар, білім алуға құлықсыз болады. Одан жақсы азамат шықпайды. Мемлекет тағы зардап шегеді.
Мұғалімнің жұмысын "жеңіл" санайтындар аз емес. Мектептің жөндеу жұмысы, кабинеттің тазалығы, мектеп ауласын көгалдандыру, бұқарамен жұмыс ақысыз-пұлсыз жасалынатын міндеттер. Сынып жетекшіліктің жұмысы бар. Осы айтылған жұмыстарға бөлінетін уақытты мұғалімнің 24 сағатына сыймайтынын ең нашар экономист айта алады. Тіпті, оқушы демалатын уақытында мұғалімге демалыс жоқ. Осы жұмыстарды қалалық, аудандық білім басқармасы, Əкімдіктер, əкімдіктердегі кіші қызметкерлер де талап етеді, мектеп əкімшілігі арқылы. Əкімшілік келіспесе, айықпас дауға қалады. Бұл да мұғалімді шаршататын жұмыстар. "Мұндай жоқ" дейтіндер пəледен қашу үшін ғана айтады.
Осының бəрін атқаратын мұғалімге коммуналдық қызметке, телефонға, жол жүру ақысына, емделуге, Республика бойынша саяхаттауға жеңілдіктер жасалмаған, салықтан босатылмаған.