Қазақстанның тұрғын үй нарығында ұзақ уақыттан бері алғаш рет жалға берілетін пәтер ұсынысы сұраныстан асып барады. Сарапшылар бұл үрдіс жалға алушылардың позициясын күшейтіп, кейін бағаның өсуін тоқтатуы немесе арзандатуы мүмкін екенін айтады, деп жазады Democrat.kz.
Жылдың алғашқы бөлігінде жалдау ақысы өсуін жалғастырды.
Тамызда Қазақстан бойынша орташа жалдау құны шаршы метріне шамамен 5 350 теңгеге жетіп, бір жылда 17 пайызға қымбаттаған.
Қыркүйекте де көптеген қалада баға жоғарылады. Көкшетау мен Павлодарда кейбір пәтер санаттарының жалдау құны 20 пайыздан астам өскен.
Бірақ нарықтағы ұсыныс құрылымы өзгере бастаған.
Сарапшылардың бағалауынша, инвестиция үшін сатып алынған көптеген пәтер қазір жалдау нарығына шығып жатыр. Соның нәтижесінде ұсыныс сұраныстан жылдам өсуде.
Мұндай өзгеріс баға статистикасында бірден көрінбейді. Алдымен пәтер иелері мен жалға алушылар арасындағы келіссөзде байқалады: тұрғындар жеңілдік, депозитті азайту немесе жақсырақ шарт талап ете бастайды.
Егер артық ұсыныс сақталса, кейін жалдау бағасының өсуі баяулауы немесе кей сегменттерде арзандауы мүмкін.
