Семейдегі ағаш өңдеу кәсіпорнының аумағында шыққан ірі өртті сөндіруге 47 құтқарушы мен 14 техника жұмылдырылды. 400 шаршы метр аумақтағы ағаш пен күнбағыс қауызы жанып, өртпен күрес шамамен тоғыз сағатқа созылды, деп жазады Democrat.kz.
Өрт Глинка көшесіндегі ағаш өңдеу орнының аумағында түнде басталған.
Төтенше жағдайлар министрлігінің мәліметінше, ағаш материалдары шамамен 400 шаршы метр аумақта жанған.
Сонымен қатар күнбағыс тұқымының қауызы да отқа оранған.
Оқиға орнында арнайы штаб құрылып, үш өрт сөндіру учаскесі ұйымдастырылды. Жалынды тоқтату үшін алты өрт сөндіру оқпаны пайдаланылған.
Су үздіксіз берілуі үшін үш автоцистерна және бір су таситын көлік жұмылдырылды.
Барлығы 47 құтқарушы мен 14 техника жұмыс істеді.
Алғашқы хабарлама түн ортасы шамасында түскен. Таңғы сағат тоғызға қарай ТЖМ өрттің толық сөндірілгенін хабарлады.
Зардап шеккендер жоқ.
