"Директордың шайына дәрі қосып, жындыханадан бір-ақ шығарады екен" дейді журналист

03 маусым 2025

3676

"Директордың шайына дәрі қосып, жындыханадан бір-ақ шығарады екен" дейді журналист

Танымал журналист өзінің әлеуметтік желі парақшасында білім саласындағы сұмдық жайт туралы жазды деп хабарлайды Democrat.kz.

Журналист Бауыржан Карипов мектеп пен ол жердегі директордың басынан өтетін жағдайлар туралы баяндап, өзі естіген бір жайт туралы баяндады. "Қай өңір екенін жазбай-ақ қояйын. Бір танысым мектеп директоры боп тағайындалған конкурстан өтіп. Екі-үш жылда мектебі жақсы жетістікке жетті. ҰБТ, республикалық олипиададан оқушылары орын алды. Мектеп облыс әкімінің грантын ұтып алды. Директор болғалы үстінен 30 шақты арыз түскен. Жазған да мектептің бір-екі мұғалімі. Арыз түскен сайын комиссия келеді, органдағылар жеке кездесуге шақырады. Стресс үстіне стресс. Соңында КНБ-ның өзі шаршап кеткен ғой. Енді жалған айып таққаны үшін жұмыстан шығармайсың ба десем, сондай сабырлы, көркем мінезді адам ғой, қоя бер, жеп отырған нанын айырылады дейді. Негізі арызқой, бәлеқор адамдар өзін жеп бітіреді, ауруға шалдығады. Сөйтсем, мұндай жағдай ана өңірде "цветочки" екен. Директордың шайына дәрі қосып беріп, жындыханадан бір-ақ шығарады екен" деп жазды Бауыржан Карипов. Журналистің бұл жазбасына "Директорлар мұғалімдерді қудаламаса, осы уақытқа дейін директорды қудалаған жанды көрмеппін. Ертегі ғой. Екі адамның тілін таппай үш жыл жүрсе, өзі де бір қиянат жасап алған ғой", "Ұят болған екен! Бізді өсірмейтін - осы қызғаншақтық, көреалмаушылық. Осындай пасық арызқойларға жол бермеу керек. Ол үшін облыстық, аудандық білім беру басқармалары сауатты, көреген болу керек!", "Алла сақтай гөр! Солар қалай мұғалім болып, ұрпақ тәрбиелейді?!" деген сыңайда пікірлер жазуда. Фото көрнекілік үшін интернеттен.