"Жеті атаң - жеті күнәң": Сайыстағы жігіттердің айтқаны жаға ұстатты

18 шілде 2026

66

Мақаланы бөлісу
"Жеті атаң - жеті күнәң": Сайыстағы жігіттердің айтқаны жаға ұстатты

Жігіттер сайысы. Фото видеодан скрин.

Астанада Top man of Astana атты байқау өткен. Оған сайдың серке тасындай іріктелген бозбалалар жиналып, сұлулық пен қатар ақыл-парасаттан сынға түскен., деп хабарлайды Democrat.kz. сайты  Azattyq Rýhy-на сілтеме жасап. 

Өкінішке қарай, сырты жылтыраған азаматтардың ақылы кемшін шықты. Қатысушының бірі сахнада тұрып, қазақтың гендік коды болған Жеті ата ұғымын күнәға теңестірді. Ал жүргізуші болса, Қазақстан Республикасын «Қазақ хандығы» деп атап айды аспаннан бір-ақ шығарды.

«Біздің Қазақ хандығында Жеті ата деген ұғым бар. Жеті атаңды білуің керек. Логикалық тұрғыда ойлағанда, біз неге Жеті атамызды білуіміз керек? Ойыңды айтшы», - деді жүргізуші.

Жігіттің «сұлтаны» ойланбастан: «7 ата дегеніміз -7 күнә» деп қойып қалды.

Залда отырғандар оның сөзін түзетуге тырысып, айғайлап жатты. Алайда қатысушы өзінің білімсіздігіне ұялудың орнына, мәз болып, сықылықтап күлумен шектелді.

Шоу мұнымен біткен жоқ. Кеште «ерекше» таланттардың жұлдызы жанды. Бірі сахнада «Ұялшақ болма!» деп ұрандатты, тағы басқалары ертегідегі кейіпкерлердің костюмін киіп вальс билеп, робот биін салды.

Барлық жаңалықтар