Танымал журналист Серғали Балажан білім саласына қатысты қоғамда талқыланып жатқан мәселелерге қатысты пікір білдіріп, мұғалімдерді газетке мәжбүрлеп жаздыртуды, жылына бір рет аттестациядан өткізу керегін айтты деп жазады Democrat.kz.
Facebook-тағы парақшасында Серғали Балажан: "Бір министр келіп “Мұғалімдер газет оқымасын” деді (газетке жазылмасын).
Екінші минстр “Мұғалімдер аттестациядан өтпесін” деді. Енді мынау депутат “мұғалімдер мақала жазбасын” дейді. Енді мен отырмын: “мыналардың басы жасамай ма” (ақтауский акцентпен) деп таңданып.
Мұғалімді соншама тупой етіп не істемекшісіңдер?
Мұғалім өзі оқымаса мәжбүрлеп оқыту керек, өзі жазбаса мәжбүрлеп мақала жаздыру керек.
Аттестациядан жыл сайын өткізіп отыру керек (деп ойлаймын)"деп жазба жариялады.
Журналистің бұл жазбасына ұстаздар қауымы "мұғалімнен басқа айтатын нәрсе қалмады ма", "сәбет дәуірінен шыға алмай жүрген пәтшағарсыңдар" дегенге саятын қарсылық пен ренішке толы пікірлерін жазуда.
