Эстония Ресеймен шекарадағы барлық өткізу бекетін жабуды жоспарлап отыр

Эстония Ресеймен шекарадағы барлық өткізу бекетін жабуды жоспарлап отыр

Эстония 1 желтоқсаннан бастап Ресеймен шекарадағы барлық өткізу бекетін жабатынын мәлімдеді. Бұл шешім елдің қорғаныс өнеркәсібі кәсіпорнына жасалған диверсия әрекетінен кейін қабылданған, деп жазады Democrat.kz.

Эстонияның сыртқы істер министрі Маргус Цахкна елдегі ұшқышсыз ұшу аппараттарын өндіретін Threod Systems компаниясына жасалған өрт қою әрекетінің артында Ресейдің әскери барлау қызметі тұр деп мәлімдеді. Оның айтуынша, шекара бекеттерін жабу ұлттық қауіпсіздікті қорғау шараларының бірі болып отыр.

Алайда Мәскеу бұл айыптауларды жоққа шығарды. Ресей президентінің баспасөз хатшысы Дмитрий Песков Эстонияның мәлімдемесін негізсіз деп атап, шекараны жабу жоспарын сынға алған.

Шекарадағы өткізу бекеттерінің жабылуы екі ел арасындағы қатынастың одан әрі шиеленісуіне әкелуі мүмкін. Бұл шешім шекара арқылы жүретін азаматтар мен жүк тасымалына да әсер етеді. 

Барлық жаңалықтар