Жалған дипломдарды дайындаған интернет сайттар анықталды

07 тамыз 2026

283

Мақаланы бөлісу
Жалған дипломдарды дайындаған интернет сайттар анықталды

Жалған диплом. Фото интернеттен.

Ғылым және жоғары білім министрлігі 46 жалған диплом мен оларды заңсыз дайындаған 20 интернет-ресурсты анықтады. Материалдар Ішкі істер министрлігі мен Мәдениет және ақпарат министрлігіне жолданды деп хабарлайды Democrat.kz.

Ведомство 1991 жылдан бері берілген дипломдардың бірыңғай деректер базасы құрылғанын, қазір дипломдар бірегей нөмір мен QR-код арқылы рәсімделетінін хабарлады.

«Бұл белгілер болмаса, құжат жарамсыз деп танылады. Жүйені пайдалану құқығы осы модульде тіркелген, ресми түрде жауапты университет қызметкерлеріне ғана беріледі. Жалған диплом жасаған немесе пайдаланғандар Қылмыстық кодекстің 385-бабына сәйкес жауапкершілікке тартылады. Дипломдарды генерациялау «Жоғары білім берудің бірыңғай платформасы» (ЖББП) ақпараттық жүйесіндегі білім алушылар туралы деректер негізінде іске асырылады. Егер білім алушы туралы ақпарат ЖББП-да болмаса, диплом нөмірін қалыптастыру мүмкін емес. Өзіндік үлгідегі білім туралы құжаттарда генерацияланған бірегей нөмір мен QR-код болмаған жағдайда мұндай құжаттар жарамсыз деп танылады», делінген материалда.

Барлық жаңалықтар