Қазақстандық актер Азамат Сатыбалды бос уақытты тиімді өткізу туралы ойын айтып, адамның өзін үнемі пайдалы іспен айналыстырғаны дұрыс екенін жеткізді, деп жазады Democrat.kz.
Өнер иесі Instagram парақшасында уақытты бос өткізудің адамға кері әсері болуы мүмкін екенін айтты.
Актердің пікірінше, адамның бос отыруы жағымсыз ойларға, өзгелер туралы өсек айтуға немесе теріс әрекеттерге баруға себеп болуы ықтимал. Сондықтан ол күнделікті уақытты әртүрлі пайдалы істермен толтыруға кеңес берді.
«Бос уақыт болса, жаман ой келеді, өсек айтасың, харам тірлікке баруың мүмкін. Соның бәрін шектеу үшін өзіңді әртүрлі жұмыспен жүктеп отыру керек», – деді актер.
Осылайша, Азамат Сатыбалды уақытты тиімді пайдаланып, адамның өзін жұмысқа және пайдалы әрекеттерге бағыттауы маңызды екенін атап өтті.
