Танымал әзілкеш Тұрсынбек Қабатовтың бұрынғы әйелі, белгілі әнші Мөлдір Мұқанова әлеуметтік желідегі парақшасында қоғамды дүр сілкіндірген қайғылы оқиғаға қатысты өз пікірін білдірді деп жазады Democrat.kz.
Бірнеше күннен бері қоғамда қызу талқыланып жатқан "барни үшін ажал құшқан Мадинаның өлімі" мен еркектің қолынан өлім құшқан қыздардың қайғысы Мөлдір Мұқанованың да жүрегін сыздатыпты.
"Менің бұл жазбам - біреудің өмірінен хайп табу немесе біреудің өліміне айып тағу емес. Мен жылағанда ел жұбатты, ел жылағанда мен жұбатпаймын ба?
Мақсат керіс те, жеңіс те емес. Жанымның ауырып, жүрегімнің сыздап отырғаны - ана баласыз қалды, сәби анасыз қалды, бір жүректің соғуы тиылды, бір гүлдің тамыры қиылды…
Ана жүректегі жарақатты ешкім өшіре алмайды, солған гүлді ешкім қайта өсіре алмайды, қоғам қатігездікті кешіре алмайды… "деп жазды Мөлдір Мұқанова.
