Қазақстанның Конституциялық соты азаматтардың сот арқылы банкрот болу мүмкіндігі кредитордың түріне байланысты шектеледі деген уәжді қолдамады. Сот қолданыстағы нормалар Конституцияға қайшы емес деген қорытындыға келді, деп жазады Democrat.kz.
Конституциялық сотқа жүгінген азамат банкроттық рәсіміне қол жеткізу кредитордың санатына тәуелді болуы азаматтарды тең емес жағдайға қалдыруы мүмкін деп есептеген.
Сот заңнаманы зерттеп, сот банкроттығын қолданудың талаптары барлық азаматтарға ортақ екенін мәлімдеді.
Қолданыстағы норма азаматтардың тиісті өтінішпен сотқа жүгіну құқығын шектемейді.
Сондай-ақ өтініш берушінің сот арқылы қорғалу құқығы бұзылды деген дәлелі де расталмаған.
Конституциялық сот нақты азаматтық істегі соттардың заңды дұрыс қолданған-қолданбағанын қайта тексеру оның құзыретіне кірмейтінін еске салды.
Нәтижесінде істі конституциялық өндіріске қабылдауға негіз табылмаған.
