Соңғы уақытта бұрынғы Оқу ағарту министрі, экс-депутат Асхат Аймағамбетовке қатысты жағымсыз пікірлер жазып, оның жіберген қателіктерін тізіп, қала берді тіпті "президент болғысы келеді" дегенді тікелей теліп, әлеуметтік желіде ақпараттық шабуыл үдеп кетті. Осыған байланысты білікті педагог, белсенді ұстаз Өмір Шыныбекұлы өз пікірін білдірді деп жазады Democrat.kz.
Өмір Шыныбекұлы өзінің әлеуметтік желідегі парақшасында: "Президент болам деген амбициясы бар" деп біреулер Аймағамбетовке шабуыл жасап жатыр ғой..
Алдымен президенттікке қатысты өз позициямды білдіріп алайын. Кейбіреудің өті жарылып кетсе де, менің басымды кесіп тастаса да айтайын.. Халықаралық саясат терең турбулентті аймаққа еніп тұрған дәл қазіргі сәтте мемлекет басшысы ретінде өз басым халықаралық саясаттың майын ішкен кәсіби дипломат Қ.Тоқаевты алмастыра алатын адам жоқ деп санаймын.
Ал "Аймағамбетовтің президент болатын ойы бар" дегенге қатысты айтсам..
Ол кісінің ойында не бар екенін мен білмеймін..
15 жылдай бұрын сол кездегі директорыммен дүрдараз болып, әр педкеңесте "интриган", "бәлеқор", "стукач" т.с.с. теңеулер таңылып, менің мінез-құлқым "талқыланып" жүргенде, бір әріптесім "Мұның көздегені сіздің орныңызды тартып алып, директор болу" деді. "Менің директор болуға құқым бар. Бірақ білім саласында қалыптасқан жүйені көріп отырғандықтан директор болу ойымда жоқ. Сондықтан менен басқа қауіп күтсеңіз де, орныңызға таласады деп күтпей-ақ қойыңыз" деп директорыма ашық айтқам... Енді холмсшылап "Бұл кімге пайдалы? Аймағамбетов кімнің алдын кесіп кетті?" - деп ойлап көріңіздер..
1. Иә, 2019 ж. Президент қол қойған "Педагог мәртебесі туралы" заң қабылданғанда Аймағамбетов БжҒМ министрі еді. Бірақ заң жобасын жасау Сағадиевтің тұсында басталды.
Жоба жасаушылардың жетекшісі артынан сотталып, түрмеде кітап жазған вице-министр әйел еді.
Белсенді педагогтардың күш салуымен заңға мұғалімдерді міндетіне жатпайтын жұмыстарға жегу мен газет-журналдарға мәжбүрлеп жаздыруға тыйым салатын баптар енгізіліп, аудан әкімдіктері тегін жұмыс күшінен, бас редакторлар "оқырманнан" айырып, тираждары құлады.
Бұлар Аймағамбетовке "бей-жай" қарай алмаса керек..
2. Аймағамбетовтің тұсында сапасыз білім беретін 60-н аса ЖОО лизенциядан айырылды.
Бұлардың да Аймағамбетовке деген "махаббаттары" ерекше болуы заңдылық..
3. Қазір ел аузында жүрген атақты тізімге қай депутат кірмей қалды?
Қай депутат кірді?
Кірмей қалғандар кіргендерді "жақсы көре қоюы" екіталай..
4. Маған мессенджерге "Аймағамбетовке күйе жағып жатқан блогердің бірінің туысы Мәжілістегі көкесіне сеніп шығыс аудандардың біріне әкім болмақ еді. Көкесі тізімге енбей қалды" деген sms келді..
Әрине, ондай өсек-аяңға сену қиын. Дегенмен, ойландырып қояды екен.
Ал шынымен халықтың ақшасына жандарың ашыса:
1. 2016 жылы көктемде "2016-2019 жылдары білім мен ғылымды дамыту" бағдарламасы дегенге бөлінген 1,5 трлн-ға жуық ақшаны іздеңдер.
2. 2020 жылы онлайн оқуға деп Түркістан Облысының Білім Басқармасы ноутбук алуға бөлген қателеспесем, 3,5 млрд теңгені іздеңдер.
3. 2023-2024 жылдар Түркістан облысының Сарыағаш Ауданының Білім Бөлімі, Келес Ауданының Білім Бөлімі, Мақтаарал Ауданы Білім Бөлімі, Жетісай Ауданы Білім Бөлімі, Шардара_аудандық_Білім_бөлімі, Бәйдібек Ауданының Білім Бөлімі 12 млрд теңге жоғалтқаны анықталды.
Сол ақшаның нешесі мемлекетке қайтарылды?
Өзге аудандық білім бөлімдері тексерілген/тексерілмегені туралы ақпарат жоқ..
Ал, іздеңдер...", - деп жазды.
