Қоғам белсендісі Төртуыл Шоқан бұрынғы министр, экс-депутат Асхат Аймағамбетовтің келесі сайлауға қатысып, Құрылтай құрамына өтуіне азаматтық қарсылығын білдіріп, жазба жариялады деп жазады Democrat.kz.
Төртуыл Шоқан өз жазбасында: "Экс-депутат А. Аймағамбетовтің "Ең тиімсіз әрі ең қисынсыз шешім болды" деген заңға қол қойған Қ.Тоқаев біліксіз бе?
Экс-депутат Асхат Аймағамбетов білім беру жүйесін басқару мен қаржыландыруды облыстық деңгейден аудандық әкімдіктерге қайтару туралы заң жобасын «ең тиімсіз әрі ең қисынсыз шешім» деп атап, қалыс қалған бір депутаттан басқа, осы заңды жақтап дауыс берген барлық депутаттар жұмысын іске-алғысыз қылған.
Ол "бұл өзгеріс төрт миллион баланың тағдырына кері әсер етеді" деп, бүкіл халыққа жалған ақпарат берген-ді. Сонда заңға қол қойған Президент "4 млн баланың құқығын таптаған" бола ма?
Ағайын, мен Асхат Аймағамбетовке қатысты (халық білуі тиіс) сұрақтарыма жауап алмай, оның Құрылтайға баруына түбегейлі қарсымын!
Журналистер, Блогерлер!
А.Аймағамбетовты подкастқа шақырыңдар! Ал оған қоятын сұрақтарды мен дайындап беремін!
Осы сұрақтарға жауап берсе, мархабат, барсын Құрылтайға.
Ескерту: Асхат Қанат ұлы подкастқа келісім бермесе, онда мен өз сұрақтарымды осы ФБ парақшама жариялауға мәжбүр боламын!
Өйткені, мен өзімнің (халық білуі тиіс) сұрақтарыма жауапты қалайда алуым керек!", - деп жазды.
