Қазақстанда миллиондаған адамның жеке деректері тарауы мүмкін деген резонансты кибершабуыл бойынша үш күдікті қамауға алынды. Істі ІІМ Тергеу департаменті жүргізіп жатыр, деп жазады Democrat.kz.
30 қыркүйекте Ішкі істер министрінің міндетін атқарушы Санжар Әділов Курултайдағы брифингте тергеудің қазіргі жағдайын түсіндірді.
Іс халықаралық «Додо Пицца» желісінің клиенттік базасына жасалған кибершабуылға байланысты қозғалған.
Хакерлер бұған дейін миллиондаған пайдаланушының жеке деректерін иемденгенін мәлімдеген. Жарияланған ақпаратта қазақстандық клиенттердің де деректері болуы мүмкін екені айтылған.
ІІМ осы дерек бойынша қылмыстық іс тіркеп, ведомствоаралық тергеу-жедел тобын құрған.
Қазір тергеудің бір бағыты бойынша үш адам қылмыстық қудалауға алынған. Сот олардың барлығын қамауға санкция берген.
Тергеуге ІІМ қызметкерлерімен бірге басқа құқық қорғау және арнайы мемлекеттік органдар қатысып жатыр. Күдіктілердің нақты рөлі мен деректердің қандай көлемі тарағаны тергеу барысында анықталмақ.
