Алматыда жеңіл автокөлік тізгіндеген жүргізуші рөлде келе жатып жүрегі тоқтап, соның салдарынан бес көлік соқтығысты, деп хабарлайды Democrat.kz.
Алматы қалалық полиция департаментінің мәліметінше, апат сағат 11:30 шамасында Әл-Фараби даңғылында болған.
1975 жылы туған жүргізушісі батыс бағытта келе жатып, кенет жағдайы нашарлап, өзімен бір бағытта келе жатқан бес көлікке — Chevrolet, Ford, Subaru, Volkswagen және Yutong автобусына соғылған.
Алдын ала деректерге сәйкес, ер адам қозғалыс барысында өзін жайсыз сезінген. Болжамды диагноз — жүрек жеткіліксіздігі. Жүргізушінің қаза тапқаны оқиға орнында белгілі болды.
Қазіргі уақытта полиция қызметкерлері жол апатының барлық мән-жайын анықтауда.
