Танымал әнші Заттыбек Көпбосынұлы әлеуметтік желідегі парақшасында марқұм әкесі туралы жазба жариялап, оқырмандарының көңілін босатты деп жазады Democrat.kz.
Заттыбек Көпбосынұлы қайтыс болған әкесінің рухымен тілдесіп: "Әке, ол жақтағы халіңіз жақсы ма?
Анама, ағам мен әпкеме біздің жақсы екенімізді жеткіздіңіз ба?
Ата-анаңызбен бауырларыңызға бұл жақтағыдай қомқор болып жүрген шығарсыз. Раббыңыз сізге сондай мүмкіндіктер берді ма екен?
Сіз Раббыңызға қайтқан таңда Динара қызыңыз . түс көріпті.Түсінде анамыз аппақ киіммен күлімсіреп қолында бір кесе кеспе көжесін алып, “ әкең келе жатыр ғой “ .. деген екен.
Бихантайдың да көрген түсі сіздің жайыңыздың жұмақтан болғанын білдіргендей.. сізді “ Мекке Мединадан көріпті түсінде “
Бұл не деген сезім мен адалдық. Осы тылсымда сиқырлы сезім сіздердің бір-бірлеріңізге деген адалдықтың сағыныш пен мазаббаттың мәңлік екенін ұқтырғандай болды. Әке, кемпіріңіздің
кеспе көжесіне жетіп мейіріңіз қанғанша ішкен боларсыз.
…
Сіздерді жұмақта жұп болып бірге болса екен деп тілеймін Жаратқаннан. Бақұл болыңыздар!
Әке сіз кеткелі 1 жылдың жүзі болған екен. Анам кеткелі 25 жыл. Мәңлік өмірлеріңізге кеткелі мәңлік сағынышыма айналдыңыздар!
Бүгін қара шаңрағыңызда сіздерге арнап ас беріп жатырмыз, сіздерге құран бағыштағалы ағайын ауыл аймақты, құда-жегжат туысқандарды, сіздің көзіңізді көріп батаңызды алған бауырларыңыз бен балаларыңызды жинап жатырмыз", - деп жазып, әкесі мен анасының рухына арнап, ас бергелі жатқанын хабарлады.
Заттыбек Көпбосыновтың бұл жазбасы оқырмандарының көңілін босатып, өмірден өткен ата-аналарын еске салды.
