Орыс тіліндегі халықаралық ұйым құрылады

11 маусым 2024

601

Мақаланы бөлісу
Орыс тіліндегі халықаралық ұйым құрылады

Орыс тіліндегі халықаралық ұйым құрылады. Ұйымға Қазақстан, Қырғызстан, Өзбекстан, Тәжікстан, Беларусь және Ресей мүше болады деп хабарлайды Democrat.kz.ақпараттық порталы informburo.kz-ке сілтеме жасап. Ашық НҚА порталында "Орыс тілі жөніндегі халықаралық ұйымды құру туралы шартты ратификациялау туралы" ҚР заңының жобасын Мәжілістің қарауына енгізу туралы Үкімет қаулысының жобасы жарияланды. Порталда қаулы жобасына қосымша ретінде Орыс тілі жөніндегі халықаралық ұйымды құру жөніндегі шарт берілген. Бұл шартқа Қазақстан, Қырғызстан, Өзбекстан, Тәжікстан, Беларусь және Ресейдің бірінші басшылары биылғы қаңтарда қол қойған болатын. Шартта халықаралық ұйымның қандай жұмыстармен айналысатыны және қалай қаржыландырылатыны жазылған. Аталған шартқа сәйкес, ұйым оған мүше елдердің үлестік жарналары мен ерікті жарналары және ұйым қызметі аясында бағдарламаларды жүзеге асыруға бөлетін қаражаты есебінен қаржыландырылады. Үлестік жарнаның мөлшері құжатта нақтыланбаған. Ұйымның ресми де жұмыс тілі – орыс тілі. Ұйымды бас хатшы басқаратын болса, хатшылық Ресей Федерациясының Сочи қаласында орын тебеді. Фото көрнекілік үшін интернеттен алынды.
Барлық жаңалықтар