Петропавлда қазақ балаларын қабылдайтын балабақшалар саусақпен санарлық. Орын тапшылығы салдарынан олар орыс тілінде тәрбие беретін топтарға баруға мәжбүр деп жазады Democrat.kz. сайты Orda.kz сайтына сілтеме жасап.
Баласының болашағына алаңдаған ата-аналар ақылы білім беретін орталықтарға жүгінеді немесе баласын мектепке дайындайтын жеке орталықтарға тасиды.
Сайт тілшісі баласына бақша таңдауда қиындық көріп отырған ата-аналармен сөйлесті.
Қалалық статистика бойынша, Петропавлда бақшаға баратын 7 мың баланың тек 2 мыңы қазақ тобында тәлім алады. Ата-аналар қазақ тілді топтардың аздығына шағымданып, орын жетпей қалатынына наразылық білдірді.
