Уағызшы Ризабек Батталұлы жаназа рәсіміне қатысты айтып, "қазақ болмақ түгілі кім болсаң да" деп уағыз айтты деп жазады Democrat.kz.
"Қазақ болмақ түгілі кім болсаң да...өйткені жаназаның оқылуы, қабірге жерленуі, кебінделуі қазақ болғаны үшін емес, мұсылман болғаны үшін жасалады. Қазақ болғанымыз үшін кебіндеп, қазақ болғанымыз үшін жаназа оқылып, қабірге жерлемейді, тек мұсылман болғанымыз үшін ғана осылай етеді" деді уағызшы.
"Ойбууу, сонда қазақ адам емес пе? Менің анам намаз оқымады, бірақ оның жаназасын шығарып, жерледік қой?!", "ұстаз өте дұрыс айттыңыз. Тәңіршілердің жаназасын шығармау керек", "сонда осы кезге дейін өлген қазақ кім болып жерленген?" деген сыңайда жұрт пікір жазуда.
