Қоғам белсендісі Төртуыл Шоқан әлеуметтік желіде тараған МузАрт тобының әншісі Сәкен Майғазиевтің жазушы Лев Толстой туралы айтқан өтірік дерегін әшкереледі деп жазады Democrat.kz.
Сәкен Майғазиев өз сөзінде: "Лев Толстой айтқан ғой, "кез келген ақыл тоқтатқан адамның табан тірейтін жері Ислам" деп. Адамдарды тек Ислам ғана тоқтатады"дейді.
Әншінің осы сөздеріне қатысты тарихи дәлелдерді алға тартқан Төртуыл Шоқан: "Лев Толстой 1901 жылы ақпан айында, діни догмаларға сенбегені және барлық діндерге реалистік көзқараста баға бергені үшін, орыс православ шіркеуінен "қуылған".
Өзінің төл діні православиядан қуылған Толстойдың «Конечной инстанцией любого разумного человека является —ислам» деуі мүмкін емес-ті.
Толстой ислам туралы "шындықты көмескілейтін ырымдар мен ғажайыптар барлық дінде бар.
Десек те, бұл үрдіс исламда азырақ" деп-қана айтқан.
Исламшылдар ссылка жасай айтып жүрген бұл әңгіменің әлқиссасы:
1909 жылдың ақпан, наурыз айларында
Л. Толстой мен Лена Векилованың арасындағы хат мазмұнынан шыққан.
Мұсылманға байға тиген некая Векилова Толстойға "екі ұлым православиядан магометан дініне өткісі келеді. Себеп: жүрек қалаулары емес, қалың қара татарларға көмектесу, арасына сіңісу.
"Осы туралы сіз қалай ойлайсыз?" деп жазған хатына Толстой:"Сіз және сіздің ұлдарыңыз Исламдағы дәл осы мақсатқа ұмтылатын, маған белгілі екі ілімнен хабардар ма, жоқ па, білмеймін.Ең жоғарғы іргелі шындықтарды, оларды жасырып тұрған қателіктер мен ырымдардан босату. Бұл екі ілім де осы себепті қудаланды және әлі де қудалануда.Осы ілімдердің бірі – бабистер (бабизм) ілімі...Бұл ілім ешқандай сыртқы құлшылық түрлерін мойындамайды, барлық адамдарды бауырлас санайды және бүкіл адамзатқа ортақ бір ғана махаббат дінін мойындайды" деп жауап жазады, болды.
"Конечная инстанция — ислам" деген тіркес жоқ.
Толстойдың 1909 жылы наурыздың 13,15,17 күндері Векиловаға жазған хат қолжазбалары РФ меммузейінде сақталғанын, ол қолжазбаларда "конечная инстанция" туралы сөздің жоғын зерттеушілер дәлелдеп тастаған.
Атақты жаулаушы А.Македонскийден мұсылман жасағандардан жақсы нәрсе күтпеймін өзім.
Ал сіз өзіңіз білесіз, құрметті оқырман", деп жазба жариялады.
