ҰБТ-дан "1" балл алған баланың шындығы

09 шілде 2024

1196

Мақаланы бөлісу
ҰБТ-дан "1" балл алған баланың шындығы

Ұлттық тестілеу орталығы қызметкерлері Ұлттық бірыңғай тестілеу (ҰБТ) нәтижесі бойынша 1 балл жинаған түлек туралы ақпаратқа қатысты пікір білдірді деп хабарлайды BAQ.KZ. Ұлттық тестілеу орталығы Ерасыл Уәлиевтің екі рет тест тапсырғанын - 12 және 30 маусымда Алматыда тестілеуден өткенін айтты. 12 маусымда бұл тест тапсырушы 93 балл жинады, 30 маусымда ол 1 балл жинады, бірақ ол тестілеуден бар болғаны 4 минут өткенін атап өткен жөн, - деп түсіндірді тестілеу орталығы қызметкерлері. Олар, сондай-ақ, талапкерлер гранттық байқауға қатысу үшін негізгі ҰБТ-дан екі сертификаттың бірін таңдай алатынын атап өтті. Бұған дейін Ерасыл Уәлиев Ұлттық бірыңғай тестілеу нәтижесі бойынша 1 балл ғана жинап, әлеуметтік желінің «жұлдызына» айналған. Ол бұл туралы видеоны TikTok-тағы парақшасында жариялады. Фото интернеттен алынды. 
Барлық жаңалықтар