Қазақтың "Қыз Жібегі" атанған актриса Меруерт Өтекешова ерекше жазба жариялап, оқырманын ойлантып қойды деп жазады Democrat.kz.
"Бүгін — менің күнім. Тек тоқтап, терең дем алып, айтамын: РАҚМЕТ!
Балаларыма — сендермен бірге күн сайын өсіп келе жатқаным үшін. Шексіз махаббаттарың, құшақтарың, күлкілерің және менің өмірімнің мәні мен күшім болғандарың үшін.
Қымбатты жаныма — шыдамдылығың, махаббатың және маған берген күшің үшін, сен менің тірегімсің.
Ата-анама — маған тамыр мен қанат сыйлағандарың үшін.
Анама — өмір сыйлағаның үшін, үлгі болғаның үшін, мейірімділігің үшін және біз әр қалада болсақ та, әрдайым менің жанымда болғаның үшін.
Шынайы достарыма — өмірімді жарық, шулы және мейірімді еткендерің үшін.
Туған-туыстарыма және жақындарыма — жылулықтарың мен қолдауларың үшін.
Өзіме — өмірге деген махаббатым үшін, әрбір сәтті шын жүректен қабылдай білгенім үшін, алға жетелейтін армандарым, әр күнді мағыналы ететін жоспарларым және өсуге, болашағымды құруға мүмкіндік берген сүйікті ісім үшін.
Алдымда жаңа өмір жылы тұр. Жылы болсын. Шынайы болсын. Жақындарым жанымда болсын.
Егер осыны оқып отырсаң — демек, сен менің әлемімнің бір бөлшегісің. Осы үшін РАҚМЕТ" деп жазды Меруерт Өтекешова.
