Алматыда «Сұңқар» трамплин кешені мен өрт сөндіру депосының құрылысы кезінде миллиондаған теңге жымқырды деп айыпталған мердігер компанияның бұрынғы қызметкеріне ақтау үкімі шығарылды, деп жазады Democrat.kz.
Айыптау тарапы ер адамды сеніп тапсырылған бөтен мүлікті иемдену немесе ысырап ету және алаяқтық жасады деп айыптаған.
Тергеу нұсқасы бойынша, ол жалған еңбек шарттарын рәсімдеп, іс жүзінде жұмыс істемеген екі бригада үшін ақша алған.
Әңгіме 2016–2018 жылдар аралығында төленген шамамен 12,5 млн теңге туралы болған.
Алайда сот ұсынылған дәлелдерді зерттегеннен кейін айыпталушының кінәсі жеткілікті дәлелденбеді деген қорытындыға келген.
Осыған байланысты оған ақтау үкімі шығарылды.
Бұл шешім қылмыстық істегі айыптау тұжырымдары сотта міндетті түрде дәлелденуі тиіс екенін тағы көрсетеді.
