Таяуда ғана ақпараттық порталымызда "Өрлеу" біліктілікті арттыру ұлттық орталығы қызметкерлерінің Оқу ағарту министрі Жұлдыз Сүлейменоваға жасаған үндеуі жарияланған болатын. "Өрлеудегі" осы мәселелерге қатысты ардагер ұстаз Өмір Шыныбекұлы өз пікірімен бөлісіп, "Өрлеудегі" ақша айналымы туралы ашық айтты деп жазады Democrat.kz.
Әлеуметтік желідегі парақшасында Өмір Шыныбекұлы Democrat.kz. сайтында жарияланған "Өрлеу" қызметкерлерінің өкпесі туралы мақаланы бөлісіп: "Енді мыналар шығыпты ғой, демаршқа...
Өрлеуде жыл аралатып "Біліктілікті көтереді" деген талай курстан өттік қой..
Мен көрген "Өрлеу"... Дәлелденуі қиын заң бұзушылықтар болады.. Қысқасы, курсқа барасың...
Топ жасақталып, куратор тағайындалады, староста сайланады..
Бірер күннен соң әлгі староста арқылы әлдебір методичка-кітапшалар сату басталады.
Алудан бас тартуға ыңғайсыз, амал жоқ, қайда кетпеген ₸1-2 мың деп қалтаңа қол сұғасың..
Тағы біраз күннен соң староста "Күлшелі бала сүймекке жақсы" деген сыңайда әңгіме бастап, "Кураторымызға сый-сияпат жасап жіберейік" деген әңгіменің ұшын шығарады..
Бас тарту - "задача" атану, қарсы шықсаң бәлеқорсың..
"Өрлеу" өкілдері барған мектептерден де жағымсыз сыбыстар жетіп жатады.. "Мақсатты мектеп" науқаны кезінде (2024-2025 оқу жылы) осы "Өрлеу" жаңа курс деп ескі курстарын қайта тықпыштағанын Шымкенттік белсенді әріптесім Маржан Алыпкараева жұрттың алдында әшкерелегеніне Майра Мелдебекова мен Орта Білім Беру Комитеті төрағасы Қаныбек Жұмашевпен бірге "Өрлеудің" сол кездегі басшыларының бірі куә болды.
Егер Маржан өтірік айтып, жала жапса, неге "Өрлеу" оны сотқа бермеді?
Жақында "Өрлеуде" миллиондаған қаржы мақсатсыз жұмсалғаны анықталды.
Мынау "адал" қызметкерлер сол кезде қайда болды?
Өз басым Өрлеудің жаңа басшысы Галымжан Алматов дұрыс жолда деп есептеймін..." - деп жазды.
