Әуе компаниясының қара тізімі туралы білесіз бе?

06 ақпан 2024

367

Мақаланы бөлісу
Әуе компаниясының қара тізімі туралы білесіз бе?

Kazinform агенттігінің тілшісі қазақстандық әуе компаниялары жолаушыларды қара тізімге енгізу әдісін қолданатынын және оны қалай оңалтуға болатынын сұрап көріпті. Scat және Qazaq Air авиакомпаниялары жолаушыларды қара тізімге енгізу тәжірибесін қолданбайтынын айтты. Ал Air Astana авиакомпаниялар тобында мұндай тізім бар. «2023 жылғы 1 наурыздан бастап «Қазақстан Республикасының әуе кеңістігін пайдалану және авиация қызметі туралы» Заңның жаңа ережесі күшіне енген соң, авиакомпания әуе тасымалы шектелген адамдардың тізіміне жолаушыларды енгізе бастады. 2023 жылы әуе тасымалы шектеулі тұлғалардың тізіліміне екі жолаушы енген», - деп түсіндірді Air Astana баспасөз қызметі. Сондай-ақ, компания қара тізімдегі жолаушылар полиция немесе сот шешімі заңды күшіне енген сәттен бастап бір жыл өткен соң тізімнен шығарылуы мүмкін екенін атап өтті. Фото ашық дереккөзден алынды.
Барлық жаңалықтар