Әнші Нұрғали Нүсіпжанов жаңа жазба жариялап, халықтың ықыласына бөлінді деп жазады Democrat.kz.
«ТУҒАН КҮНДЕГІ ТОЛҒАНЫС…
Менің ұлы мәртебелі өнер дейтін өлкеде жүргеніме 70-жыл… Ізет-ілтипаты бөлек іні досым ғұлама-ғалым Секеңнің,Серікбай Нұрғисаевтың дүние есігін ашқанына 70-жыл…
Екеумізде де юбелей,екеумізде де мерейтойлық жыл…
Біздің бір-бірімізге деген сый, құрметіміз жан-дүниемізде,бір-бірімізді үнсіз ұға білетін ұрпақпыз…
Әрине,Секеңмен арада достығымыздан бөлек,Ағалығым да бар… Өтпеймін деген өткелден өткізіп, төзбеймін деген дүниеге төздіретін тағдырдың соқтықпалы-соқпағы маған жақсы таныс…
Басыма қабат-қабат бұлт төнгенде,от ішінде-өрт ішінде күйгенімде тырс етіп үндемесемде мені қас-қабағымнан түсінген азаматтығыңа қарыздармын, Қалқам…
Қуана алмай қалғанымда құламасам,жұбана алмай қалғанымда жыламасам сендердің ізгі ниет,тілектеріңнің арқасы,Айналайын…
Өмірде ешкім бір-біріне бекерден бекер жолықпайды…
Сый,құрмет асылы атақпен де, абыроймен де өлшенбейді…
Таланты мен табандылығы қатар жүретін пенде баласының қай-қайсында да көкірек деген бар.
Төмен ұстасаң-қасиет,
Жоғары ұстасаң-қасірет.
Ал мен сенің кішілігің мен кісілігіңнен айналдым,алтын БАУЫРЫМ…
Ағарып атқан әр таңға-шүкір
Қызарып батқан әр күнге-шүкір,-дейтін қанағатшылдығымыз шығар басымызды біріктірген…
Сен мені көлеңкеңмен қорғап жүретін жанашырымсың, Жарығым!
Ләйім,Жамбыл-Жәкемнің жасына жет,Інішегім…
Өмірдің ыстық-суығында жанымнан табылған жақсы адамым,жақын бауырым Секе-Гүлнұржан,Көкелерім тойларың тойға ұлассын!
Қос құлындарыңның қызық-қуанышы көп болсын,алдымызда асқар тауымыз бар,-деп арқа сүйегендеріңе Алла разы болсын, Айналайындар!!!» - деп жазды ол парақшасында.
