Мемлекет басшысының индустриялық жобаларды қолдау жөніндегі бастамаларын жүзеге асыру аясында Ақмола облысында жылына 60 млн дана кірпіш өндіретін кірпіш зауытының құрылысы жүргізілуде деп жазады Democrat.kz.
«MM BRICK» ЖШС директоры Есімхан Байғабыловтың айтуынша, жобаның құны – 13,7 млрд теңге. Қазіргі уақытта құрылыс-монтаж жұмыстары 80%-ға аяқталып, жабдықтарды жеткізу басталды. Кәсіпорынды іске қосу 2026 жылға жоспарланған.
Мемлекеттің көмегімен сумен және жылумен жабдықтау желілерін жүргізу мәселелері шешілді. Қолдау шараларының бүкіл кешені бізге өнімнің кең ауқымын шығаруға жағдай жасап, өңірдің дамуына мультипликативтік әсер береді, — деді кәсіпорын басшысы.
