Танымал журналист, қоғам белсендісі Сәуле Әбілдаханқызы өзінің парақшасында билікке қаратып мәлімдеме жасады деп жазады Democrat.kz.
"Президент Қасым-Жомарт Тоқаев мырза!
Бас идеолог Ерлан Қарин мырза!
Алматы қаласының әкімі Дархан Сатыбалды мырза!!
Біздің елде халықтың құқығы неге тең емес? Неге мемлекеттік мекемеде жұмыс істейтіндерге берілген құқық басқаларда жоқ??
Неге менің 25 жылдық еңбек стажым толық есептелмей, тек мемлекеттік мекемеде істеген жылдарым ғана есептелу керек??? Мемлекет (өкімет) өзі бүкіл мекемелерді сатып, жекешелендіріп жібергеніне мен кінәлімін бе?? Мен қызмет еткен "Қазақ әдебиеті", "Қазақстан" ұлттық арнасы, "Айқын" газеті т.с.с. бүкіл масс-медианы жекеменшікке сатып жібергендерің үшін мен неге зардап шегуім керек???
Неге осы елдің азаматы ретінде менің құқығым тапталу керек??? Неге менің 20 жыл бойы тұрған үйімді жекешелендіруге қақым жоқ??? "Әділетті Қазақстанды", "Еститін үкіметтеріңді" қашан көрсететін ойларың бар???
Алматының жекешелендіру бөліміндегі заңгерлер мені 7 ай жүгіртіп, мың қырық қағаз жинатып, енді "сенің стажың 10 жылға жетпейді" деп күйдіріп отыр..... Сонда әкім-қаралар мен мұғалім, дәрігер, еден жуушылардан басқалар адам емес пе??? Осы үйді именно (!) сол "Қазақстан" (!) арнасында істегенім үшін, журналистік қызметім үшін бермеп пе еді???
Енді қалайша ол арнадағы еңбек жылдарым, жалпы, журналистикадағы еңбек жылдарым санауға жарамай қалды???? Масс-медианы АО, ТОО қылған мен бе???? Әлде мен сатыппын ба? Әлде мен сатып алыппын ба?? Если на то пошло, АО РТРК "Қазақстан" - акциясының басым бөлігі мемлекеттік!!! Солай бола тұра, қалайша онда істеген 4,5 жылым стаж болып саналмайды????
Неге????? Бұл елде "Тұрғынүй қатынастарын реттейтін" заңнан басқа да заңдар баршылық, құдайға шүкір. "Біз тек осы заңға сүйенеміз" дейді тұрғынүйді жекешелендіру бөліміндегі "букваедтер". Басқа заңдарға пысқырмайтын болса, онда жалпы қоғамдағы кемшіліктерді болдырмау үшін, тәртіпті сақтау үшін, даму үшін барлық қарым-қатынастар мен процесстерді реттейтін заңдарды шығарудың не керегі бар???
Ол заңдар қажетті жерінде қолданылмаса, не үшін керек???
Жалпы, 30 жыл бойы біздің елді кері кетіргендер, халықты зар илетіп, тентіренткендер - әр мекемеде отыратын "букваед" робот юристтер. Солар өздерінің сауаты жеткен рамкада ғана құжаттарды жасайды, жазады, талап етеді, болды.
Олардың білетін, талап ететін заңдарынан басқа да заңдар бар екеніне пысқырмайды да... Өздері не біледі, не ұнайды, не қалайды - соны жасайды, болды... Осыған әбден көзім жетті... Бізді (бүкіл Қазақстанды) 30 жыл бойы басшылар емес, сауатсыз юр.отделдер басқарып келген екен....
Қысқасы, әкім-қара, мұғалім мен дәрігерлерден басқалар да адам. Мемлекеттік мекемеде жұмыс істемейтін журналисттер де - адамбыз. Осы елдің азаматымыз. Біздің де өмір сүруге, игіліктерді пайдалануға құқығымыз болу керек! Біз де осы елдің өткені мен бүгіні, бүгіні мен ертеңі деп еңбек еткен журналистпіз.
Осы елдің қазынасына салық төлеп, осы елдің саясатына жұмыс істедік. Осы елдің жоғын жоқтап, мұңын мұңдадық. Қара басымыз үшін ештеңе сұраған да жоқпыз, ақша, атақ, мансап қуған да жоқпыз. Осы үйді өздерің бердіңдер.
"Қазақстан" ұлттық арнасында қызмет етіп жүргенде бердіңдер. Енді ол еңбек жылдарымды жоққа шығарып отырсыңдар. Сендерде тырнақтай логика бар ма өзі???....
7 ай бойы мың қырық қағазды аталарыңның көріне көму үшін жинаттыңдар ма???
Олай болса, сол қағаздармен бірге, үйдің ордерімен бірге Қазақстан өкіметінің 20 жыл бойы берген мына Грамота-срамота, медаль-седальдарын түгел дәл алаңға апарып өртеймін. Күтіңдер. Қанды ішіп қойдыңдар ғой түге!..."деп жазды Ақжүніс.
