Білікті ұстаз, білім саласының тәжірибелі маманы Сұлтан Сүлеев бірнеше күннен бері педагогтар арасында қызу талқыланып жатқан "аттестация жаңалығына" қатысты өз пікірін білдіріп, Оқу ағарту министріне сұрау салды деп жазады Democrat.kz.
"Қорқыт дегенге осылай қорқыт деппін бе дегендей болды. Аттестацияға өзгеріс деп ондағы тестілеуді мүлде алып тастапты.
Тек қана оқуды жаңадан аяқтаған жас маман ғана тапсырады дейді. Осы пікірімен өзінің әріптесі Саясат Нұрбек басқаратын жоғары оқу орындарының берген біліміне күдікпен қарап отыр. Демек, универ бітірген түлек априори білімсіз деген сөз.
Бұл жарайды, лирика. Ең бастысы министр оқулықтардың әрбір 5-6 жылда өзгеріп тұратынын, олардағы мәліметтер мен жаңалықтар ауысатынын ескермепті. Сонда , 2026 жылғы оқулықпен тапсырған маман 2036 жылғы жаңа оқулықпен жұмыс істемей ме?
Тест тапсырмаса оған дайындалып не керек? Бір үміт бар. Басқа министр қайтадан енгізетініне. Бірінші емес. "Нам не привыкать".
Тесті қалдырып, оның айналасындағы былықты жойып, ПББ ны шетелдегідей адал өткізсе. Мемлекет соны жасай алмайды дегеніне сенбеймін.
Министрдің кәзіргі ұстанғаны дұрыс позиция. "Нет теста нет проблем". Проблеманы шешудің орнына оны басын жерге жасырған страус сияқты болдық.
Портфолио туралы дұрыс, өзгерту енгізу керек. Артық-ауыс барлық құжатты қысқарту қажет. Қағазды қысқартамыз дейді, бірақ сол қағазды бәрібір электронды түрде жүктеу дегені қалай? Бәрібір сол машақат емес пе?
Биыл тапсырған 51 мың педагог аттестациядан әдеттегідей өте береді дегені дұрыс болды. Көп әріптес осыған алаңдап еді.
Қорытынды. ПББ қалуы керек. Тек кристалды таза өтсе ғана. Олай ете алмаса министрлікті жаба салу керек.
Портфолио минимум құжат. Минимум талап. Басты мақсат ұстаздың білімі.
Директорлар мен орынбасарлардың тестілеуі не болады, Жұлдыз ханым? Ол кісілер де мазасызданып..."деді Сұлтан Сүлеев.
