Белгілі тележурналист көпшіліктен жетімдер үшін алты миллион ақша жинап, оның жартысынан көбін қалтасына басты, деп жазды Democrat.kz.
Алайда бұл өмірде емес, кинода. Көрерменді ерекше көрсетілімге шақырған тележұлдыздың әрекетіне «сізден бұндайды күтпедім» деп сеніп қалғандар бар.
Дегенмен, оны «Ауру» арқылы жалған қайырымдылық жасайтындардың әрекетін әдемі әшкереледі дегендер де аз емес.
«Жетімдерді жеп, желкесінен шықты деген осы. Дина қыз қатырады», «Дәл осындай түсірілімді көрген блогерлерге түсінікті деп ойлаймын», «Ащы болса да шындық. Аңқау елге арамза молда. Күшті түсіндірдіңіз», – деп жазды фильмді көруге асыққан жұрт.
