Ирактағы заңның көлеңкесі бізге түсе бастаған ба?

19 тамыз 2024

829

Мақаланы бөлісу
Ирактағы заңның көлеңкесі бізге түсе бастаған ба?

Өткен аптадан бері Ирак Парламентіне қыздардың неке жасын 15-тен 9-ға дейін түсіру  туралы заң жобасы келіп түскені әлем назарын аударды. Балалар құқығымен айналысатын көптеген елдер үлкен алаңдаушылық танытуда. Бұл қауіпті үрдіс. Бізде де бірнеше әйелі бар һәм шариғатпен өмір сүруді аңсап жүрген жамағат бұл ақпаратқа екі санын шапалақтап, алақан ысқылап қуануда. Әлеуметтік желіде Ирак әрекетін қолдай жазып, шариғат талабы дұрыс деп құтындап пікір жазғандары қорқынышты. Ирак былай тұрсын, бізде де 16 жастан бастап қыз ұзату жарнамасы жасала бастаған сияқты. Абай Бегей деген біреудің кәмелеттік жасқа толмаған қызын тұрмысқа бергені жалпақ жұртқа жария болуда. Қазақстанның заңы бойынша некеге тұруға 18 жастан рұқсат етіледі. Тек жүкті болып, әке-шешесі арнайы органдардан рұқсат алса ғана заңды мүмкіндік беріледі. Арнайы органдар бұл мәселені қарау керек. Әсіресе, радикалды діни ағымдарда кәмелеттік жасқа толмағандармен астыртын неке қидырып, заңды некеге отырмайтындар да бар. Олардың талақ ете салуы тіпті оңай.. Бір ғана мысал, Қуандық Бишимбаевтың мешітке барып, неке қидырып, талақ етіп, қайта қидырғаны секілді… Ержан ТӨЛЕК, қоғам белсендісі. Facebook жазбасы. Фото көрнекілік үшін алынды.  
Барлық жаңалықтар