Көршім әлеуметтік желіде желпілдеп, өз әйелін жамандап, жас қыздардың мазасын алуда

01 наурыз 2025

2029

Мақаланы бөлісу
Көршім әлеуметтік желіде желпілдеп, өз әйелін жамандап, жас қыздардың мазасын алуда

Қайбір жылы көрші тұратын құрдасымыз фейсбукқа тіркеп беруімді өтініп, “Қайтесің” дегеніме қарамай, ақырында тіркеліп тынды. Тіркеп берген өзім. Жалынып қоймаған өзі. Бекер-ақ! Қысқасы, сау басыма сақина тілеп алдым. Күнде кешкісін ұялысын құшақтап, ұялмай үйімізге кіріп келетін болды. Үйреткеніңді ұғып алса мейлі ғой, мияңды ашытып, қайта-қайта мазалайды. То фейсбугі бұғатталады, то паролін ұмытып қалады. Қарны қабақтай, беті табақтай болып қиылып тұрған соң, мәселін қайтаруға арланасың рас. Сол көрші жігіт мені аңдып, артық кеткен тұсымнан күйеуіме ақпарат беріп қан қақсатқан соң, екі бүктеп “Бан” атты барса келмес мекенге айдағанмын. Ол, дәл сол күні сотовыйын құшақтап тағы жетіп келді. Сірә, аталған желіде желіккендер мен желөкпелер отырады – деп ойласа керек. Осындағы қыз-келіншектерге қырғидай тиіп қиқу салыпты. Бірнеше қыз бұған заманауи тілде, тоесть орысша жауап берген-ау . Соны қазақшаға аударып, орыси қазақтарға орыси тілде жауап жазып беруімді өтінді. Жекесін оқуға рұқсат еткен соң, ұяла-ұяла оқыдым. Оқыдым да, шошыдым. Қысқасы, көрші еркек нағыз албасты екен. Фигурасы ат қыздармен танысып, оларға ғашық болғанымен қоймай, әйеліне не давольна екенін, әйелінің оңбаған, түрі мыржым-каржым , өз-өзіне қарамайтын салпыетек, алты бала туып, фигурасы алпыстағы әйелдікіндей болып кеткенін сыр қылып жазыпты. Сөйтіп жазса әлгі қыз, бұны мүсіркеп, бұның ойындағын “Мә ” деп бере салады деп ойласа керек. (Дәмесі Дәметайдың дамбалы) Оңбаған! Нағыз оңбаған екен! Әйелі әбіржісе, 6 бала туып әбіржіді, кестападан бес бетер екі енесінің үдесінен шығамын деп әбіржіді. Расында әбіржіген түгі жоқ. Еркегінің миы екінші басына түсіп, есекми болып кеткенін есепке алмағанда бұның әйелі әлгі пұшпағы қанамаған ат қыздардың қасында әлде-қайда алтын еді. Жұрт сүйсінетіндей сүйкімді-ақ келіншек. Қою керек қой осындайды! Алтын құрсақты әйелдеріңді бағалаңдар. Аттар мәңгілік емес! Салтанат АБЫЛБЕКОВА, қоғам белсендісі. Facebook жазбасы. Фото көрнекілік үшін.
Барлық жаңалықтар