Журналист, тележүргізуші Ләйлә Сұлтанқызы актриса Дариға Бадықова мен Олжасқа қатысты көпшілік біле бермейтін ақпаратты жариялады. Оның айтуынша, өнер иелері бірнеше жыл бойы сәби сүйе алмай жүрген отбасының ата-ана атануына көмектескен, деп жазады Democrat.kz.
Белгілі журналист Ләйлә Сұлтанқызы әлеуметтік желідегі парақшасында Дариға Бадықова мен Олжастың қайырымдылық ісіне қатысты жазба жариялады.
Тележүргізушінің айтуынша, өнер иелері қолдау көрсеткен отбасы бірнеше жыл бойы бала сүюді армандаған. Алайда олардың ата-ана атану жолында бірқатар қиындыққа тап болғаны белгілі болды.
«Олжас пен Дариғаның бөпесінің қырқынан шыққанына бір ай толды», – деп бастады жазбасын Ләйлә Сұлтанқызы.
Журналист бұл сөздерінің астарында өзгеше оқиға жатқанын түсіндірген.
«Кино әлемі бір бөлек, ал өмірде Олжас пен Дариға – біздің Mariyam Fund қорының демеушілері», – деп жазды ол.
Ләйлә Сұлтанқызының айтуынша, өнер иелерінің қайырымдылық көмегі көптен бері перзент сүюді армандаған ерлі-зайыптыларға бағытталған.
Аталған отбасы бірнеше жыл бойы ата-ана болуға талпынып, талай қиындықты бастан өткерген.
«Олар қолдау көрсеткен оралдық жұп бірнеше жыл бойы ата-ана болуды армандап, талай қиындықты бастан өткерген. Бірнеше сәтсіз ЭКО әрекетінен кейін, қорымыздың қолдауымен армандарына жетіп, бүгінде ата-ана атанып, бақытқа кенеліп отыр», – деп жазды журналист.
Осылайша, Дариға Бадықова мен Олжастың қолдауының арқасында Батыс Қазақстан облысындағы отбасының көптен күткен арманы орындалған.
Ләйлә Сұлтанқызы жазбасында өзгеге қол ұшын созудың адам өміріндегі маңызын ерекше атап өткен.
«Біреудің қолдауы – бір отбасының өмірін өзгертіп, үлкен арманын ақиқатқа айналдыруы мүмкін», – деп түйіндеді ол.
Журналистің жазбасынан белгілі болғандай, Дариға Бадықова мен Олжас Mariyam Fund қайырымдылық қорының демеушілері қатарында.
Ал олардың көмегімен ата-ана атанған отбасы бүгінде көптен күткен сәбиін тәрбиелеп отыр.
