Дәрігерлер мен фармацевттер науқас адамдардың ақшасын триллиондап ұрлаған деп дабыл қаққан Мәжіліс депутаты Мұрат Әбенов Премьер министр Олжас Бектеновтің қатаң шешімін қолдаутынын жеткізді деп жазады Democrat.kz.
"МӘМС қоры бастапқыдан-ақ науқас адамдарды емдеуге арналған ақшаны ұрлау үшін құрылған. Бүкіл схема Қор басшылығы бюджетті жоспарлау кезінде-ақ барлық қосып жазулар мен жүздеген миллиард теңге көлеміндегі ақша ұрлау алдын ала ескерілетіндей етіп құрылған.
Тарифтер 3–4 есе өсіріледі, себебі сыртқы бақылау жоқ.
Содан кейін шарттарды өздері жасайды. Өздері актілерге қол қояды. Қалағандарын өздері тексереді.
Өздері жаза қолданады — миллиардтаған ұрлық үшін жай ғана айыппұл салады. Немесе мүлде кешіре салады.Сыбайлас жемқорлық үшін мінсіз модель.
Денсаулық сақтауға қажет мөлшерден кем дегенде 2 есе көп қаражат бөлінеді. Ал бәрі жемқорлар мен ұрылардың қалтасына кетеді.
Премьер-министр дұрыс айтты — қаржыландыруды қысқарту керек.
2025 жылдың көктемінде біз әріптесім Бақытжан Базарбекпен бірге МӘМС пен «СК ФАРМАЦИЯ»-ға қарсы күресті бастадық және осы схемалардың барлығын көрдік.
Жемқорларға бұл ұнамады да, олар депутат Базарбекке қарсы сотқа жүгінді.
Біз ең бастысына қол жеткіздік — Базарбек екеуміз бірнеше жыл бұрын лоббистер енгізген «медициналық бизнеске» тексеру жүргізуге тыйым салатын қолданыстағы шектеудің күшін жоюды талап етіп, соған қол жеткіздік.
Содан кейін медицина мен дәрі-дәрмекке жұмсалған шығындарды тексеру жөнінде Бас Прокурорға жүгіндік.Біздің өтінішімізден кейін МӘМС төрағасының орынбасары қамауға алынды, «СК ФАРМАЦИЯ» басшысы қызметінен шеттетілді.Қылмыстық істер қозғалды.Осы кезде медициналық және фарм-мафияның бәрі күйрей бастады.
Олжас Бектенов не тапсырды?
Премьер-министр Олжас Бектенов Әлеуметтік медициналық сақтандыру қорын (МӘМС) Қаржы министрлігінің қарамағына беру жөнінде тапсырма берді.
Бұл шешім денсаулық сақтау бюджеті 2,4 трлн теңгеге дейін өскеніне қарамастан, жүйелі заңбұзушылықтарды, асыра пайдалануды және қаражаттың тиімсіз жұмсалуын анықтаған аудиттен кейін қабылданды.
Талдау қызметтердің жалған көрсетілуі, қосып жазулар мен қосарланған қаржыландырудың жаппай болғанын көрсетті. Мыналар анықталды:
🔹 Жалған пациенттер. Нақтысында тек жартысы ғана жүгінсе де, тіркелген бүкіл контингент үшін қызмет ақысының төленуі.
🔹 Қайтыс болғандарға көрсетілген қызметтер үшін төлем, оның ішінде 2,5 жыл бұрын қайтыс болған науқасты қабылдауға жазу.
🔹 Дәрі-дәрмектерді жаппай қосып жазу. Мысалы, бар болғаны екі балаға 126 мың қаптама препарат есептен шығарылған.
🔹 Дәрігерлерге аномальды жүктеме. Бір күнде 1 442 пациентті немесе бір айда 4 832 пациентті қабылдады деген жағдайлар тіркелген.
🔹 Қосарланған қаржыландыру. Бір қызметке ОСМС қаражаты мен жұмыс берушінің ерікті сақтандыруы есебінен бірдей төлем жасалған.
🔹 Дұрыс емес тағайындаулар. 769 мың ер адам «жатыр мойны обырына» тексерілген.
Премьердің тапсырмалары:
1. Барлық заңбұзушылық материалдарын құқық қорғау органдарына беру.
2. Қаржылық ағындарды орталықтан бақылау үшін МӘМС-ті Қаржы министрлігінің қарамағына беру.
3. Денсаулық сақтау саласындағы барлық процестерді Қаржы министрлігінің платформасында толық цифрландыру.
4. Негізсіз қаржыландыруды тоқтатып, Қордың инвестициялық стратегиясын қайта қарау.
PS Барлық тапсырмаларды толық қолдаймын. Нақты қамаулар мен тәркілеулерді күтеміз", деп жазды Мұрат Әбенов.
