Қазақстанның тұңғыш президенті Нұрсұлтан Назарбаев Мәжілістің орнына құрылатын Құрылтай депутаттарын сайлауға қатысып, дауысын үйінен берді, деп хабарлайды Democrat.kz.
Назарбаев денсаулығына байланысты сайлау учаскесіне бара алмаған. Тұңғыш президенттің ресми сайтында оның жақында омыртқасына ота жасатқаны және осы себепті дауыс беру рәсімі үйінде ұйымдастырылғаны айтылған.
Осылайша Назарбаев сайлау учаскесіне бармай-ақ, өзіне берілген конституциялық құқықты пайдаланып, Құрылтай депутаттарын таңдауға қатысты.
Соңғы жылдары көпшілік алдына сирек шығатын экс-президенттің жаңа саяси институтты қалыптастыруға арналған сайлауда дауыс беруі де назар аудартты.
