Таяуда ғана қамауға алынған блогер Әділетхан Молдахан туралы жұрт білмейтін масқара жайттар жарияға шықты деп жазады Democrat.kz.
Әділетхан Молдаханның бұған дейін қарақшылық бабымен сотталғаны туралы оқиғаның қалай болғанын айтқан қоғам белсендісі Төртуыл Шоқан: "Танымал блогер Әділетхан Молдаханға қатысты қылмыстық іс қозғалатын болса, оған 2023 жылы қарақшылық бабымен орын алған соттылығы қосымша болуы мүмкін екенін жазғанмын.
Оқырмандарым мені "ол блогердің соттылығын өзің ойдан шығарып отырсың" деп кінәлады.
Сосын, міне, болған оқиғаны толық жариялауға мәжбүр болдым.
2023 жылдың наурыз айында Әділетхан Молдахан достары Сұлтан Айтбаев пен Алдиярхан Тілеукемен бірге қалай ақша табуды ойластырған. Үш достың бірі—Алдиярхан жақын арада бір танысының Алматыға қомақты ақшамен пәтер алуға келетіні, оған өзінің көмектесетінін айтады. Жігіттер бірден тонау жоспарын құрады.
Тілеуке мен жәбірленуші көлікпен қалаға кіріп, Молдахан мен Айтбаев оларды Наурызбай ауданындағы көшелердің бірінде аңдып тұрады. Шабуыл жасаушылар жол-көлік апатын әдейі ұйымдастырады.
Күдікті сейілту үшін сыбайлас достары— Тілеукенің бетіне "дезодорант" шашып,
пәтер сатып алушыны бір-екі рет ұрған.
Содан кейін олар ақша салынған сөмкені алып қашып кеткен.
Ұзаққа қашып кете алмаған бұлар бірнеше күннен кейін ұсталып, тергеу изоляторына қамалды.
Үшеуі де қарақшылық жасаған кінәләрін мойындағасын,
бұлардың сот процесі қысқартылған форматта өтеді.
Қылмыскерлер өтемақы төлегендіктен, қарақшылық жолмен әкеткен қаражатты қайтарғандықтан бұлардың әрқайсысына үш жыл шектеу жазасына кесіліп, шілде айында босатылды.
Екінші қызметінен қуылғаннан кейін Әділетхан кәсібін өзгертіп, жол дауы мен айыппұлды есептен шығарумен айналысатын заңгерге айналады.
Ол Instagram-да танымдық бейнероликтер орналастырып, тез арада көп оқырман жинайды.
Бірақ, бір қызығы, Молдахан жол ережесін құрметтемейтін.
Мысалы, 2024 жылы Сергек камералары оның қала көшелерінде жылдамдықты 40 км/сағ артық, яғни 100-ден асырып бара жатқанын жазып алған.
2025 жылы ол тағы да жол ережесін бұзып, кептелісте тұрмау үшін—автобус жолғана шыққаны үшін айыппұл салынған.. " деп жазып, М.Казачков арнасына сілтеме жасады.
