Қарағанды облысында 100-ден астам экспорттаушы бар. Бұл туралы Үкімет отырысында өңір басшысы Ермағанбет Бөлекпаев мәлімдеді деп жазады Democrat.kz.
Ол 2026 жылдың бірінші жартыжылдығының қорытындысында өңірде экспорт пен сауданың негізгі көрсеткіштері бойынша оң динамика сақталып отырғанын атап өтті.
Әкімдіктің мәліметінше, осы жылдың төрт айының қорытындысы бойынша өңірдің өнімі 27% өсіммен әлемнің 40 еліне $1,2 млрд сомасына экспортталған. Оның ішінде ауыл шаруашылығы өнімдерінің экспорты 74%-ға артқан.
Азық-түлік емес тауарларды өткізу төмендегеніне қарамастан, бөлшек және көтерме сауда көлемі тиісінше 2% және 0,7%-ға өсті.
«Өсу динамикасын жақсарту үшін біз инвестициялық жобаларды қарқынды түрде жүзеге асырып, өндірілетін өнімдерді сату нарығын кеңейтудеміз. Биыл экспортталатын өнімнің номенклатурасы сату есебінен 44 инвестициялық жобаға ұлғайтылмақ. Облыста алғаш рет жылу оқшаулағыш материалдарын, жүк және жеңіл автомобильдерін, клинкер плиткаларын, тау-кен металлургиялық кешеніне арналған ірі габаритті бұйымдарды және тағы да басқа тауарларды шығаратын боламыз»,
— деді Ермағанбет Бөлекпаев.
