Қазақстанда жүргізуші куәлігіне емтихан тапсыру кезегін азайту үшін теориялық және практикалық сынақтарды тек спецЦОН-дарда емес, лицензиясы бар автоорталықтарда да өткізу ұсынылды. Кей өңірлерде емтихан кезегін бірнеше ай күтуге тура келеді, деп жазады Democrat.kz.
Курултай депутаты Мейраш Шынасилова жүргізуші куәлігін алу жүйесіндегі ұзақ кезек мәселесін көтерді.
Оның айтуынша, кей азаматтар теориялық немесе практикалық емтиханға жазылу үшін бірнеше ай күтуге мәжбүр.
Депутат спецЦОН-дардың жұмыс уақытын кешкі 20:00-ге дейін ұзартуды және емтихан қабылдайтын мамандарды ауысыммен жұмыс істетуді ұсынды.
Тағы бір ұсыныс — емтихан қабылдау құқығын арнайы талаптарға сай келетін лицензияланған орталықтарға беру.
Мұндай жүйе енгізілсе, мемлекеттік спецЦОН-дарға түсетін жүктеме азаюы мүмкін.
Алайда бұл әзірге депутаттық ұсыныс. Емтихан тапсыру тәртібінің ресми өзгергені туралы шешім қабылданған жоқ.
