Шу қаласындағы шырғалаң: өртке оранған көпқабатты үйден 180 адам эвакуацияланды

08 сәуір 2025

219

Мақаланы бөлісу
Шу қаласындағы шырғалаң: өртке оранған көпқабатты үйден 180 адам эвакуацияланды

Кеше түнде Жамбыл облысының Шу қаласында бес қабатты тұрғын үйде 5-қабаттағы пәтерде өрт орын алды. Бұл туралы ҚР Төтенше жағдайлар министрлігі мәлімдеді.
“Алғашқы өрт сөндіру бөлімшелері хабарлама түскен сәттен кейін 4 минуттан шақыру орнына жетті. Өрт сөндірушілер келген кезде өрт үйдің шатырына таралып кеткен еді. Кеш хабарланғандықтан, өрт үлкен аумақты қамтыды.Қызметкерлер өртті сөндіруге кірісті және сонымен бірге тұрғындарды эвакуациялады. Барлығы 180 адам эвакуацияланды. Сондай-ақ 4 газ баллоны далаға шығарылды. Өрт орнында үздіксіз су беру ұйымдастырылды. Оқиға орнынан 1 шақырым қашықтықта мектеп базасында эвакуациялау пункті ашылды.Қабылданған шаралардың арқасында оттың бесінші қабатта орналасқан пәтерлерге таралуына жол бермей, өрт алдын ала 750 ш. м. алаңда сөндірілді”, – делінген өңірлік ТЖД хабарламасында.
Өрт салдарынан зардап шеккендер жоқ. Қазіргі таңда өрттің шығу себебі мен келтірілген шығын көлемі  анықталуда.
Барлық жаңалықтар