Қазіргі кезде қоамда қызу талқыланып жатқан жаңа Конституция жобасындағы тіл мәселесіне қатысты білікті ұстаз Өмір Шыныбекұлы төмендегідей пікірін ортаға салды деп жазады Democrat.kz.
"2017 ж. министр Е.Сағадиевтің қолымен енгізілген "Үштілділік" бағдарламасының салдары ауыр болатынын "Жас алаш" газетінің 2017 ж. 25 шілде күнгі нөміріне "ТАМЫЗ КЕҢЕСІНЕ ТАМЫЗЫҚ" деген атпен шыққан мақаламда айтып едім..
Құлағына қыстырған адам болмады..
Дегенмен, уақыт өз дегенін істеді.Ұлты қазақ емес азаматтардың тарихи отандарына оралуы әлі жалғасып жатыр және жалғаса береді.Сонымен бірге орыс сыныптарына сабақ беретін мұғалімдер де жыл өткен сайын азайып жатыр.4-5 жылда ең соңғылары зейнетке шығады..Қазірдің өзінде орыс сыныптарына орыс тілін мен секілді тілін бұрап сөйлейтін мұғалімдер сабақ беріп жүр.
Олар сапалы сабақ бере алуы мүмкін емес екенін түсінетін шығарсыздар..
Ондай мұғалімдері бар мектепке орыс тілді азаматтар балаларын бере қоймайды.
Сондықтан тілге қатысты "Асанқайғы" бола берудің реті жоқ.
Меніңше, ұсынылған Конституция жобасында ең назар аударарлық нәрсе - сөз бостандығына қатысты бұлыңғыр терминдер.
Соларды нақтылау керек.
Әйтпесе ертең ішкі саясаттың өзін құдай сезінетін кішкентай шенеунігі сол бұлыңғыр терминді өзінше интерпретациялап, журналистер мен белсенділердің миын ашытуы мүмкін.
Сосын, Конституция жобасын талқылауға отырар алдында АҚШ сенаторы Маргарет Чейз Смиттің "Ар-ождан декларациясын" (1950 ж.) оқып шығыңыздар.."деп жазды Өмір Шыныбекұлы.
