Қазақстанда соңғы жеті жылда 1342 мектеп пайдалануға беріліп, оларда миллионнан астам бала білім алып жатыр. Жаңа оқу орындарының ашылуы үш ауысымды мектептер мен орын тапшылығы мәселесін азайтуға ықпал еткен, деп жазады Democrat.kz
«Келешек мектептері» ұлттық жобасы аясында 460 мың оқушыға арналған 217 мектеп салынған. Оның 84-і ауылдық жерлерде орналасқан.
Мәлімет бойынша, жаңа мектептердің ашылуы үш ауысыммен оқыту мәселесін төрт есе, апатты мектептер санын екі есе азайтқан. Ал оқушы орындарының тапшылығы төрт есе қысқарған.
Дегенмен мектеп санының өсуімен қатар білім сапасы, мұғалімдердің жеткіліктілігі және ауыл мен қала арасындағы білім беру мүмкіндіктерінің теңдігі де маңызды болып қала береді.
