Қазақстанда тұрғын үйлерді жер сілкінісі, су тасқыны және орман өртінен міндетті сақтандыру жүйесін кезең-кезеңімен енгізу жоспарланып отыр. Бастама 2026–2030 жылдарға арналған сақтандыру нарығын дамыту бағдарламасына енгізілді, деп жазады Democrat.kz
Қаржы нарығын реттеу және дамыту агенттігінің мәліметінше, жаңа бағдарлама табиғи апаттар салдарынан азаматтардың мүлкіне келетін шығынды өтеу тетіктерін жетілдіруге бағытталған.
Қазақстанда соңғы жылдары су тасқыны мен басқа да табиғи апаттар тұрғын үйлерге елеулі зиян келтірді. Міндетті сақтандыру жүйесі осындай жағдайларда азаматтардың қаржылық шығынын азайтуға көмектесуі мүмкін.
Жүйенің нақты қалай жұмыс істейтіні, сақтандыру жарнасының мөлшері және талаптардың кімдерге қолданылатыны қосымша нормативтік құжаттармен айқындалады.
