10 жасар қазақстандық баланың төлқұжаты жоғалып, Түркия әуежайында екі күн отырған

21 мамыр 2025

845

10 жасар қазақстандық баланың төлқұжаты жоғалып, Түркия әуежайында екі күн отырған

Air Astana әуекомпаниясының кесірінен 10 жасар бала Түркияда қалып қойған. Сот Түркиядан Қазақстанға төлқұжатының жоғалуына байланысты депортацияланған баланың анасының пайдасына Air Astana әуекомпаниясына материалдық және моральдық шығынды өтеу туралы шешім шығарды. Мұны заңгер Данилхан Шағатаев мәлімдеді. Оқиға 2024 жылдың желтоқсанында болды. Бес бала Air Astana әуекомпаниясының қызметкерлерімен бірге Түркияға кеткен. Бірақ 10 жасар бала келген бойда төлқұжатын таппай қалған. Уақытша құжат жасалғанша, бала екі күн бойы депортация бөлмесінде жалғыз отырды. Содан кейін әуекомпания кәмелетке толмағандарға қызмет көрсетуге баланы заңды өкілден қабылдау, рейс кезінде оның қауіпсіздігін қамтамасыз ету және келген кезде заңды өкілге тапсыру кіретінін, ал құжаттар мен жеке заттарын бақылау жолаушыға жүктелетінін мәлімдеді. Науқастың мүгедектер арбасын бүлдіріп тастаған: Қазақстандық әйел Air Astana әуекомпаниясына шағымданды 12 жастағы қызды ұшаққа отырғызбай, жалғыз тастап кеткен: FlyArystan 8 млн теңге төледі Баланың анасы Air Astana үстінен сотқа шағым түсірді. Адвокат Данилхан Шағатаев сотта кәмелетке толмағандар жауапкершілікке тартылмайтындықтан, жолаушының өзі жауапты деген әуе компаниясының мәлімдемесіне қарсылық білдірді. "Балаларды әуекомпания қызметкерлеріне беру және ұшаққа отырғызу кезінде барлық қажетті құжаттың болғаны анықталды. Сотта бірқатар куәгерлер, соның ішінде Түркияда жолсеріктер мен жерүсті қызмет көрсету қызметкерлерінен де жауап алынды. Нәтижесінде сот әуекомпанияның баланың құжаттарын тексеру жөніндегі өз міндеттерін дұрыс орындамағаны анықталды", – деді адвокат. Данилхан Шағатаевтың айтуынша, сот жаңа әуе билеттерін сатып алу, жаңа төлқұжат рәсімдеу үшін материалдық шығынды өтеу, сондай-ақ 2 миллион теңге көлемінде моральдық шығынды өтеу туралы шешім шығарды. Шешім заңды күшіне енген жоқ.