Қазақстанда тұрғын үй сатып аларда ай сайынғы төлемге ғана қарау үлкен қаржылық қателікке айналуы мүмкін. Сарапшы келтірген есеп бойынша, шамамен 45 млн теңгелік баспана ұзақ мерзімді нарықтық ипотека кезінде қарыз алушыға 170 млн теңгеге дейін түсуі ықтимал, деп жазады Democrat.kz.
Мысалда бастапқы жарна 20 пайыз деп алынған. Осыдан кейін қарыздың негізгі сомасы шамамен 36,2 млн теңгені құрайды.
Егер оны нарықтық ипотекамен 20 жылға рәсімдесе, ай сайынғы төлем шамамен 673 мың теңге болады.
Алайда ұзақ мерзімнің нәтижесінде банкке төленетін жалпы сома 170 млн теңгеге жуықтауы мүмкін.
10 жылдық нұсқада ай сайынғы төлем 749 мың теңгеге дейін өседі, бірақ жалпы төлем шамамен 99 млн теңгеге төмендейді.
Ал құрылыс компаниясының үш жылдық бөліп төлеу нұсқасы жалпы сомасы жағынан әлдеқайда арзан болуы мүмкін, бірақ ай сайынғы төлем 1 млн теңгеден асып кетеді. Сондықтан сарапшылар тек «айына қанша төлеймін?» деген емес, «соңында барлығы қанша болады?» деген сұрақты да есептеуге кеңес береді.
