Таяуда ананы да, мынаны да сынап, "фикх"деп отыратын діндар, уағызшы Данияр Кенжеұлы мен ел ішінде "Ысқақ" деген атпен танылған білімді, кез келген дүниені ғылыми тұрғыда зерттеп жүрген тиктокер жігіттің арасында дебат өтті деп жазады Democrat.kz.
ТикТоктың тікелей эфирінде өткен сол дебатқа әдеттегідей өздерінен басқаны адам санамайтын діндарлар мен дінге сыни көзбен қарайтын жігіттер қатысты.
Дебат барысында айтылған ең сорақы нәрсе "мұсылман адамның өз немере қарындасын алуға тыйым салмайтыны" жөніндегі сөздер болды.
Данияр Кенжеұлы Алланың кітабында өзінің немере қарындасына үйленуді харам етілмегенін айтқан.
Бұл туралы Ардақ Құлтай өзінің парақшасында: "
Енді мұсылман бауырлар немере қарындас аламын деген баласына запрет қоя алмайды.
Кеше Данияр ұстазымыз осыны анық айтты. Себебі Алланың кітабында ол халал етілген, ал оны харам еткендер құтылмайды. Алла разы болсын, Данияр ұстаз.
Ал мен Тәукенің заңын Жәнібек деп шатасып, кейін онымды мойындадым. Осылай бір-бірімізді түзеп, асыл дінімізді тани берейік, жамағат"деп жазып, сол дебаттың скрин видеосын жариялады.
Әйтсе де, Данияр Кенжеұлы "мен өз қарындасыңа үйлен" деп айтпадым, сөзімді бұрмалап жатыр"деп тағы видео жариялады.
Десек те, уағызшының өз кезегінде төмендегідей пікір жазғаны мәлім болды.
